اكتر 5 تريندات للشعر موضة في هذا العام

شعرك
2.3K
0



زي ما كلنا عارفين كل سنة بتتغير الموضة في عالم الجمال وفي موضات قديمة بترجع وموضات بتختفي وغيرها بتستمر, والنهاردة احنا جايبين لكل بنات مجلة المرأة العربية المتابعين لموضات الشعر اكتر 5 تريندات للشعر موضة في هذا العام.

اكتر 5 تريندات للشعر موضة في هذا العام:

1- الشعر الاملس Super Sleek:

الشعر الاملس او المفرود اوي من غير اي تجعيدات فيه من اتجاهات الشعر الموضة جدا في 2017, والميزة في الستايل ده انه مناسب لكل اطوال الشعر سواء شعر طويل او متوسط او قصير الستايل ده هيناسبك لانه مافيش فيه تفاصيل, لكن قبل ما تفردي الشعر بالمكوى اتأكدي انك تستخدمي حامي من الحرارة عشان متضريش شعرك ويبقى شكله صحي وبيلمع.




تريندات للشعر موضة في هذا العام

2- ديل الحصان العالي High Ponytail:

ديل الحصان العالي من التريند اللي موجودة بقوة في 2017 وتقريبا تسريحة ديل الحصان من التسريحات اللي مش بتبطل وبتبقى معانا كل سنةلكن بتختلف ما بين العالي او المنخفض, وديل الحصان دايما من الموضات المستمرة لانها انيقة وعملية في نفس الوقت تقدري تعمليها في خروجاتك الصبح او في الجيم او حتى في المناسبات الخاصة, وتقدري تختاري ما بين ديل الحصان المفرود او الفوضوي, وكمان تعتبر من التسريحات المناسبة لكل استايلات اللبس.

3- التمويجات الخفيفة Flat waves:

لو طريقة الشعر المفرود اوي مش الستايل المفضل ليكي ممكن تعملي الويفي او المموج ولكن مش بتمويجات كبيرة اوي اعملية ويفي ناعم وبسيط بلمسة خفيفة, والستايل ده من الويفي بيتعمل بالمكوى الفلات بدل الكيرلر, موجي الشعر على خفيف على فوق ولفيه بكلبسات الشعر شوية وبعدين فكيه وكده تبقي عملتي ويفي خفيف وناعم.

4- الشعر على الوجه Hair Flip:

من استايلات الشعر الموضة جدا كمان في 2017 الشعر اللي على الوش, خلي جنب واحد من الشعر على الوش واعملي للشعر Volume او حجم اكبر, الستايل بسيط وانيق جدا وممكن تنفذيه مع الشعر المفرود او الفوضوي.

5- لون Golden Bronde:

من اكتر الوان الشعر الموضة جدا هو الGolden Bronde او الدهبي, واللون ده على الشعر الفاتح هيطلع بلون اشقر ومع الالوان التانية او الاغمق هيطلع بني دهبي, ويعتبر من الالوان الدافية اللي ممكن تناسب اي لون بشرة.

ودي كانت اكتر تريندات للشعر هتكون موضة ومنتشرة جدا السنة دي تقدري تجربيهم كلهم او تختاري منهم اللي يناسبك وتفضليه اكتر.





هل ترغبين في تلقي الأخبار الجديدة التي تصدرها المجلة؟
الاشتراك في نشرة أخبار المجلة



تطبيق مجلة المرأة العربية

يمكنك اختيار نسخة التطبيق المناسبة لجهازك.

تطبيق مجلة المرأة العربية

تطبيق مجلة المرأة العربية

تعليقات الفيسبوك